Çfarë fsheh rritja e kontrolleve në Rinas brenda 24 orëve?

Brenda një dite, Aeroporti Ndërkombëtar i Rinasit përjetoi një intensifikim të masave të sigurisë: kontrolle të përforcuara, procedura të reja verifikimi dhe prani shtesë në zonat e nisjes dhe mbërritjes. Ndryshimet u vunë në zbatim menjëherë dhe synojnë të rrisin nivelin e vëzhgimit në pikat kyçe të aeroportit.

Në disa terminale u instaluan pajisje kontrolle me origjinë amerikane, ndërsa në procesin e vendosjes morën pjesë përfaqësues të huaj. Bashkëpunimi me furnizues të jashtëm të teknologjisë synohet të përmirësojë standardet e sigurisë për kompanitë vendase dhe të forcojë kontrollet kufitare.

Ky forim erdhi pas një paralajmërimi të publikuar një ditë më parë, i cili evidentonte rrezikun e sulmeve nga grupe të lidhura me Iranin ndaj objektivave që lidhen me Shtetet e Bashkuara ose me pjesëtarë të opozitës iraniane në territorin shqiptar.

Objektivat e mundshme përfshijnë vendet publike dhe të frekuentuara, si zona turistike, qendra tregtare, hotele, klube e restorante.

Deri më tani nuk janë shënuar incidente të raportuara; megjithatë po konsiderohet që masa të mbeten të larta në pikat kyçe të vendit derisa situata të analizohet më tej.