Çfarë e shtyn kuzhinierin 31-vjeçar t'i lërë tenxheret për grep?

Një kuzhinier 31-vjeçar nga Lezha po shndërron pasionin për grep dhe tezgjah në një biznes të mundshëm.

Në punëtorinë e tij të vogël ka ngjyra, penj, grep dhe një tezgjah të vjetër.

Anton Tate po punon me teknikën e thurjes dhe me tezgjah, duke sfiduar stereotipet gjinore përmes modeleve të ndryshme.

Ai është kuzhinier me profesion, por këtë aktivitet e nisi rreth një viti më parë dhe synon ta zhvillojë ekonomikisht.

Mbi të gjitha, në punë e mbështet mjeshtrja e artizanatit Tereze Gega nga Lezha, e cila i jep këshilla dhe njohuri praktike.

Sipas atij, takimi me mjeshtren i ka dhënë mbështetje praktike dhe përmbushje profesionale.

Me durim e përkushtim, Anton po ringjall një traditë të vjetër artizanale; pasioni për grep e shtyn të vazhdojë dhe të ndjekë projekte të reja.