Përse Europa po dridhet? Rreziku që po ndryshon rendin e sigurisë

Një analizë e Bashkimit Evropian paralajmëron rrezikun e përhapjes së dhunës ekstremiste dhe aktet terroriste që kërcënojnë sigurinë e vendeve anëtare. Raporti përmend si burime të rrezikut Afganistanin dhe Iranin, si dhe pasojat e luftës në Ukrainë.

Vlerësimi thekson se kërcënimi ndaj bllokut mbetet i lartë, me fenomene radikalizuese me motivime fetare që vazhdojnë të jenë pika kritike. Dokumenti nënvizon po ashtu përfundimet e Europol-it të publikuara në mars, të cilat vlerësuan intensivitetin e rrezikut ndaj Evropës.

Teksti prej 23 faqesh u përpilua nga Këshilli i Bashkimit Evropian, organi që përfaqëson qeveritë e 27 shteteve. Ai fokusohet kryesisht tek zhvillimet dhe tendencat e parashikuara për vitin 2025, dhe jo vetëm tek episodet e lidhura menjëherë me konfliktin e fundit në Iran.

Megjithatë, vlerësuesit vënë në dukje se përshkallëzimi i tensioneve në Iran ka ngritur shqetësime shtesë për sigurinë e brendshme. Ekziston frika se rrjeta të lidhura ose celulat e inaktive mund të ngrihen e të kryejnë sulme hakmarrëse brenda Evropës, sidomos në shtetet ku jetojnë komunitete të mëdha hebraike dhe komunitete myslimane.

Për sa i përket Afganistanit, analiza vlerëson se Shteti Islamik në provincën Khorasan mbetet një kërcënim i jashtëm i rëndësishëm për kontinentin. Raporti shton se grupi vazhdon aktivitetet, duke përfshirë përhapjen e materialeve propagandistike në internet, me fushata që synojnë gjithnjë e më shumë të rinjtë.